وج ـدي غ ـنيم

اصحي يا مصر

اصحى يا مصر

اصحى يا مصر

هزى هلالك

كونى يا مصر

وعيشي يا مصر

مدي اديكى هاتى النصر

وطولى العصر

اصحي وكوني وعيشي يا مصر

اصحي وكوني وعيشي يا مصر

مح ـتآجآك يا ح ـبيبي

وقلبي عطشآن يا ح ـبيبي

للح ـب ، وللح ــــــــنين

لح ـنآنك، ولح ـضنك

مح ـتآجة منكـ

ع ـود يآسمين

وقلبي مح ـتآج يا ح ـبيبي

ينسـى بيكـ

إنهـ مخ ـنوق ، وح ـزين

الاخوة D:

ازيك يا صفحتي الكااااريمة :)

-

تبعا وحشتيني

-

المهم انا جيت عشان احكيلك حدوتة تانية

قصدي عاشرة D:

-

الحدوتة متعلقة بالواد اخويا اللي في الجامعة

-

اديكي فكرة صغننة عنه

-

الواد ده تيب وغلبان وحالته متأخرة

بس مشكلته

ان فيه بعض الانانية

مع بعض التصرفات الغبية اللا ارادية D:

-

المهم بقى يا ستي

-

في يوم من ايام السنة

عندما كان الجو لتيفا في منزلنا العزيز

-

وانا كنت قاعدة جوه

في حين ان الواد اخويا واصحابه كانو قاعدين بره

-

وعمالين بقى يضحكوا ومبسوطين

-

وإذا بالباب بتاع الشقة بيتكسر

بفعل ايد غريبة الأطوار

-

المهم الواد اخويا فتح الباب

-

لقى واحدة ست

-

مين بقى الست دي؟

-

الست دي جارتنا الرقيقة اووي :S:S

-

المهم بقى كانت بتعيط وبتصوت

وحالتها كانت صعبة اوي

-

طبعا انا وماما خرجنا نشوف في ايه

-

المهم بنبص كده على شقتها

لقينا نار ف المطبخ

-

انا طبعا كنت اول مرة اشوف نار قدامي كده

كنت بشوفها ديما ف الافلام يعني

-

المهم بقى الست جارتنا

مكنش عندها طفاية حريق

-

وبما اني ديما ذكية وكده

افتكرت ان في عندنا طفاية ف البلكونة

-

روحت جبتها ومرضتش ان الست تاخدها تطفي بيها

عشان هيا كانت كبيرة في السن وكده

وممكن تتإذي

-

فقولت لماما انا هدخل انا اشوف كده

والمغامرة حلوة برده

-

هيا مرضتش طبعا

-

في هذه الاثناء

حصل موقف خلاني اضحك اوي

-

الواد اخويا ساب اصحابه

ونزل تحت

قالهم خمسة وهرجع

-

ابن الذين هرب

D:

-

ماما طبعا من خوفها علينا

قالت انزلوا كلكوا تحت

على ما نخلص الموضوع ده

-

انا مرضتش اسيب ماما

والواد اخويا

خد ديله ف سنانة

وجري على تحت

-

بصراحة انا اتخنقت منه جامد

-

المهم بقى انا رحت خبطت على جارنا

وهوا خد مني الطفاية

ودخل يطفي الحريقة اللي جوه

-

وخلص الموضوع

-

واخويا الندل

سابنا

ويوميها عرفت

معنى الاخوة D:

احبكم دوما وأبدا

وعشان احنا من بلاد عربية مختلفة

كنت عارفه ان هييجي يوم ونتفرق

ومحدش فينا هيعرف يشوف التاني

عشان لما كل واحدة هترجع لبلدها

هيبقى في بينا

اوطان وجبال وسهول ووديان وبرق ومطر ورعد

انا كنت عارفه كل الكلام ده

بس مكنش حاساه اوي

لحد ما اتحطيت ف الموقف

وجيه اخر يوم ف الامتحانات

اللي هوا يوم الوداع :'(

خلصنا الامتحان وخرجنا

وكان في لسة ساعة ونص على ما الوقت يخلص

خرجنا وقعدنا مع بعض في فصل فاضي

كنا خمسة

وكنت بحبهم اوي اوي اوي

قعدنا نتكلم

ونفتكر الحاجات اللي حصلت معانا خلال السنة

والحاجات اللي ضحكتنا

واللي زعلتنا

وكمان المديرة اللي زهقتنا

بس كان نفسنا ان الايام دي ترجع تاني

بس الكلام لن يفيد

وللايام لن يعيد

المهم ياسمين

ذات الصوت الجميل اوي اوي

قالت انها محضرة اغنية

وكانت عايزة تسمعهالنا

كانت عن الاصدقاء

وبجد كانت جميلة اوي اوي

وهيا عيطت ف النص

ومعرفتش تكمل

وكلنا عيطنا

ولاول مرة احس الاحساس ده

احساس انك هتفارق ناس بتحبهم بجد و أوي

وانك مش هتقدر تتخيل شكل حياتك

من غير ما يكونوا هما فيها

يا أصدقآئي

أعلم أن الدنيآ فرقتنآ

وأن الظروف أبعدتنآ عن بعضنآ

لكني أدعو الله دومآ

أن نجتمع في ريآض الجنآن

أحبكم دوما ً وأبدا ً

حاجات غريبة

وصبآح الخير عليكي يا صفح ـتي العزيزة المعزوزة المتعززة :)

-

وحشتيني والله ف الثواني اللي سبتك فيها تي

بس انا عايزة اتكلم كتير زي ما قولتلك

-

عارفه انك مش هتردي عليا

بس انا مبسوطة اني بكلمك

وعارفه انك سامعاني

D:

-

المهم

انا عايزة اكلمك في موضوع كده

موضوع

الـ

emoz

والـ

boyat

انا مش بدرس في مصر بس في بلد عربي يعني

انما حاسة ان الكلام ده مش في مصر

او مش منتشر اوي لو كان موجود

بس انا بجد مستغربة اوي

ليه الانسان يبقى ايمو

لمجرد انه حزين

ومهموم

ويجرح نفسه بمشرط

او سكينة

او مقص

ولما تساله انت بتعمل ايه

يقول :

انا بنسى المي النفسي

بالألم الجسدي

طب ده اسمه كلام

تجرح نفسك

وتشوه شكلك

عشان تنسى

؟

وليه اللبس العجيب ده

جماجم

وسواد في سواد

وشعر مغطي العين

وكحل غريب

طبعا احنا عمرنا ما عملنا الحاجات دي

بس احنا بنحب ديما نقلد

وياريتنا بنقلد حد عدل

بنقلد الغرب المنحدرين اخلاقيا !!!

وليه البنت تحول نفسها لولد

انا بجد ببقى مصدومة

لما الاقي بنت

انثى بكل معنى الانوثة

ويقولولي لا دي بويا !

اللي هيا المؤنث بتاع boy

ولما برده اروح اسالها انتي عاملة كده ليه

تقولي انا بحب حياة الاولاد

وانا كل اصحابي اولاد

وهما بيحبوني كده

ومسمحش لحد انه يقول عليا بنت

طيب يا بنتي ليه

تقول هوا كده

ومعنديش غير كده

مش عارفه هنفضل نقلد كده لحد امتى

وهنفضل نتاخر فكريا

واخلاقيا كده

لحد امتى

الواحد اتخنق من اللي بيشوفه

طب والله العظيم مخنوقة يما

يوم خيالي

السلامو عليكو يا صفحتي العظيظة D:

انا بصراحة كتة عايزة اتكلم كتيييييييييير

كوووتييييير كوووتيييير يعني

-

انا عارفه انك اكيد عايزة تطرديني بره

بس احب اطمنك

اني عمري ما هسيبك P:

-

هوا انتي مش بتردي ليه ؟ S:

-

تيب ما علينا ..

المهم

-

دلوقتي انا عايزة احكيلك حدوطة D:

-

حدوتة اسمها

انا ويوم الحفلة D:

-

وفي يوم من الايام

خير اللهم اجعله خير

-

كان المفروض ان في حفلة نهائية

وكان في اشاعات ماشية ف المنتقة

ان انا مشتركة فيها

-

كنت بطلة في مسرحية اسمها

(فتاة الحجر)

-

انا مكنتش متوكعة ان المس ممكن تختارني

بس قالتلي انتي وشك سمح

يدي كده على تشرد D:

انا قولت مش مشكلة

-

اهي تجربة

-

والمس اختارت صحبتي

اللي هيا جارتي في التختة

وصديقة عمري

وحوياتي

ذات الدم الفخيخ اوي

واللي ديما بتضحكني

-

انا كنت فتاة الحجر

وهيا كانت

الراجل الاسرائيلي

-

المهم انا وهيا بقى كنا منشكحين اوي ومبسوطين

انها اختارتنا

-

ومسكنا الورق

وبدأنا العمل

الحفلة كانت بعد يومين

وكان لازم ندرب كويس

ونعلق اي كوفية

وشوية مسدسات

وكانم طقم جيشي

من اي حد

وباي تريقة

المهم انا تبعا اتصرفت

بطرقي الخاصة :$

المشكلة الوحيدة ف الحوار ده كله

ان صحبتي دي

بتضحكني ديما

وكل ما اشوفها اقعد اضحك

مش عارفه ليه

فكل ما نيجي نتدرب

اقعد اضحك

وفضلنا على كده

لحد يوم الحفلة

وانا مش عارفه اتحكم في نفسي

واقعد اضحك برده

المهم بقى ابتدت الحفلة

ومامتي الركيكة كانت موجودة

وطبعا لو ضحكت قدام العالم دي كلها

هيبقى منظري زبالة

ومش بعيد يلغوني من الاوائل

اللي المفروض انهم يتكرموا في نهاية الحفلة

المهم الحفلة اشتغلت وكله تمام

وكل البنات بيقدموا فقراتهم

بخفة ورشاقة

واللي لاحظته ودمرني بجد

ان محدش كان بيضحك

$:

المهم بقى

والآن :

مع مسرحية فتاة الحجر

وانا لابشة جلابية كده غريبة

وحاجات كبيرة عليا

طلعت على المسرح وانا بقع يعني

-

المهم بدانا العمل

-

وصحبتي قالت المقدمة

كانت بتتكلم مع زمايلها في العسكرية وبتاع

-

وجيه دوري

-

هيا : ما اسمك يا هذا ؟

-

انا : بلغوا صهيون اني انني فتاة الحجر ..

-

هيا : ومن ابوكي يا حجر ؟

-

انا : انا بنت صلاح الدين من نسل عمر

-

هيا : وما الذي اتى بكي إلى هنا واين كنتي

قبل ذلك ؟؟

-

انا : كنت احبو في بيتي بين امي وابي

كنت اصحو في السحر

واصلي الفجر في مسجدي

ثم الهو بين اغصان الشجر

ثم ... ثم ...

-

هيا (بتزعق) : ثم ماذا ؟؟؟؟ اجيبي !!!!!!

-

بصراحة زعقت بطريقة تضحك اوي

بس انا حاولت اوي امسك نفسي

ونجحت

-

المهم كملنا

-

انا : ثم جئتم كالمنايا وقتلتم اسرتي

لم ترحموا ضعف امي

ولا سجود بلدتي

اقتحمتم مسجدي

ودنستم مصلانا بأقدامكم القذرة

وطار رصاصكم يسكن اجساد قومي

فسقطوا صرعى امام مقلتي ..

-

المهم الحتة دي خليتني اعيط

وصوتي كان باين اوي اني بعيط

والناس اتأثرت

-

بس اللي حصل

ان صحبتي حطت رجل على رجل

بطريقة تفطس من الضحك

انا ابتسمت بس محدش خد باله

وهيا حاولت تهدى عشان لو ضحكت هتبقى فضيحة

-

المهم كملنا

-

انا : ولكن ....

-

هيا : ولكن ماذا ؟؟ تكلمي ؟؟؟

-

انا : ولكني اليوم جئت اليك

بهذا الحجر

-

هيا : اي حجر هذا ؟؟؟ اعطنيه ... اعطنيه

-

انا : لا لن يكون .. لن يكون

-

انا طبعا كان في ايدي حجر

وفي ايدي التانية مصحف

-

هيا : قولتلك هاتيه D:

-

انا : لن يكون .. لقد اقسم الا تلمسوه

-

بصراحة في كلام ف النص

بس انا مش فاكراه :(

-

بس ف الآخر

-

هيا : خذوها .. واقتلوها .. وخذوا منها الحجر

-

انا : خذه مني يا عدو الله

خذ هذا الحجر

في رأس شيطان

وقلب كفر

خــــــــــــذ

-

وحدفت البتاع فيها

وهنا حدثت الكارثة

الكورة مجتش فيها

-

:(( :((

-

بس كويس ان محدش خد باله $:

-

المهم البت وقعت بقى على الارض

والجنود اتلموا عليا

-

ومسكوني وشنكلوني

وخرجنا الى خارج المسرح

-

في النهاية

مبسوطة اوي اني عرفت امثل

مبسوطة اوي بنظرة الناس ليا وانا نازلة من على المسرح

مبسوطة اوي لما شوفت ماما بتسقفلي

مبسوطة اوي اني مضحكتش P:

-

انا والمديرة المديرة المديرة

مش عارفه ليه وانا قاعدة كده

افتكرت موقف كان حصلي ف المدرسة زمان

وبما انك يا صفحتي الصغيرة العزيزة بقيتي ملجئي الوحيد

اسمحيلي احكيلك على الموقف ده

يمكن عشان خرجني من ام الخنقة اللي انا فيها تي

المهم

انا كنت في مدرسة بنات بس ، فكان كله ستات في سطاط D:

وكان عندنا حتة مديرة

اعوذ بالله

زي العثل يعني

المهم انا مكنتش بحبها ، عشان بتحسسني انها مبسوطة اوي

بالدكتاتورية اللي بتمارسها علينا

يمكن عشان كانت محرومة منها وهيا صغيرة

فقالت تجربها في الناس عامة

وفيا انا خاصتن D:

المهم في يوم من الأيام

حصل تفتيش مفاجئ ، وطبعن التفتيش المفاجئ ده

عشان يقفشوا اي واحدة معاها حاجة مخالفة

سواء بقى ماكياج ماشي

مجلات ماشي برده

موبايلات حشيش مانع

هيد فونات مش هيقولوا لا يعني

المهم وهيا داخلة بقى تزعق

ومحدش يقدر ينكر ابدا ان شعرها كان واقف

اكيد من الزعيق D:

وفي وسط الزعيق والكلام ده

قولتلها : لو سمحتي يا مس

ممكن اقول كلمة $:

قالتلي : عايزة ايه

قولتلها : حضرتك بتزعقي ليه بس هوا حضرتك لقيتي معانا حاجة ؟

قامت هابة فيا وقالتلي : انتي ازاي تكلميني كده

انا ازعق براحتي

وتي مدرستي

وانتي طالبة ومش عارفه ايه

حسستني اني درتها D:

المهم قمت قولتلها:

خلاص يا مس انا اسفه لحضرتك

اتفضلي كملي الزعيق بتاعك D:

زعقت بقى تاني $:

وانا بصراحة لما حد بيزعقلي كده عمال على بطال

بضحك

لا شعوريا

المهم هيا خرجت من باب الفصل من هنا

قمت انا فطست من الضحك من هنا

وانا ضحكتي بتضحك اي حد يسمعها

فكل الفصل ضحك على ضحكتي

والصوت علي

والمدرسة اللي كانت علينا

بتقول اسكتوا اسكتوا هترجع تااااااني

هيا قالت تاني من هنا

وحضرة المديرة دخلت تاني من هنا

D:

احم احم

المديرة : مين اللي كان بيضحك ؟؟؟

صمت رهيب غريب عجيب

انا قولت مين اللي كان بيضحك

لو منطقتوش انا هطرد كل الفصل من المدرسة

وهفصلكم ومعتوش هتشوفوا وش المدرسة تاني

وطبعا ده حلم اي طالب تبيعي انه يتفصل D:

المهم انا ملقتش حد رد

وطبعا انا كنت السبب ف الموضوع ده كله

فقولت لابد ان اقولها الحكيكة

انا : ايوه يا حضرة المديرة

انا اللي ضحكت

المديرة : انتي تااااااني ؟؟

انا : اه والنعمة $:

المديرة : تيب يا حبيبتي هاتي شنطتك وتعالي ورايا

انا : حاضر من عونيا

المديرة : يلا وودعي صحابك عشان انتي مفصولة

قولتلها بكل براءة : انا ؟؟

المديرة : ايوة يا حبيبتي انتي :)

قولتلها تيب وودعت بقى العيال في مشهد درامي مؤثر

المهم المديرة بقى بما انها بتتكلم وخلاص

عشان تعمل لنفسها جو وبتاع

قالتلي : ارجعي يا بنتي انتي شكلك كده غلبانة

بس هتنقصي 10 درجات في كل مادة

وقالت للمس اللي كانت علينا

نقصيها 20 درجة

D:

والمس اومئت برأسها موافقة

وانا اساسا الأولى على الفصل

ولو نقصت العشرين دول

يبقى مستقبلي ضاع يعني

والبت اللي طالعة التانية هتفرح فيا

المهم

المديرة خرجت

D:

والمس قالتلي متخافيش احنا بس كنا بنجاريها

عشان منكسفهاش

D:

شوية كده والمديرة رجعت تاني

مش عارفه بتحب تتمشى

المهم دخلت وقالت الاوائل يقفوا

فطبعا التلاتة الاوائل هما اللي معترف بيهم كاوائل

فقمنا احنا التلاتة

انا والبت والبت التانية

المديرة بقى بصتلي كده وقالتلي : انتي بتهزري يعني ؟ انا قولت الاوائل هما اللي يقفوا ..

قولتلها : ايون مهو انا الأولى

قالتلي انتي ؟؟

قولتلها اه انا وعلى فكرة انا معملتش اي حاجة غلط

انا بس مكنتش عايزة حضرتك تضايقي نفسيتك من غير سبب

الدنيا فانية حضرتك :$

قالتلي بوش كده متنرفز ومضايق ومش طايق يبص في وشي :

بصي خلي بالك من الفصل

وخلاص بقينا صوحاب

تبعا هيا حبتني بما اني بتحب علطول وكده

بس انا مش عارفه

لازلت لا احبها $:$:$: